Текст песни пщащэ ц1ык1у артур кунижев
Обновлено: 12.11.2024
ЧЕРКЕССКИЙ РЕНЕССАНС вернуться к странице
ЧЕРКЕССКИЙ РЕНЕССАНС запись закреплена
Сыт зищ1ысыр адыгагъэр,—
жа1эу къохъур щыщ1эупщ1э.
Упщ1эр щ1эщхъукъым, ящ1эм дэгъуэщ,
фыкъеда1уэ, нывжес1энщ:
Ц1ыхум ц1ыхур зэхищ1ык1ым,
щыгуф1ык1ыу игъэгушхуэм,
игъэпэжым, игъэлъап1эм,— псоми
дощ1э — ар ц1ыхугъэщ, нэгъэсауэ адыгагъэщ.
Адыгагъэр — ар дахагъэщ,
адыгагъэр — ар къабзагьэщ,
адыгагъэр — ар пэжыгъэщ,
губзыгьагьэщ, щэныф1агьэщ.
Адыгагъэр ди адыгэм
къыдалъхуауэ къьдок1уэк1ыр;
адыгэпсэм ар и фащэщ, адыгэбзэм ар и щэнщ,
нэхъыжьыф1хэу дади, нани,
гуащи, щауи, пщащэ ц1ык1уи —
псори, псори зыгъэдахэр,
зыгъэбжьыф1эр адыгагъэрщ.
Я гуф1эгъуэр зыгъэиныр,
я гугъуехьыр зыгъэпсынщ1эр,
ныбжьэгьугъэр зэкъуэшыгъэм
тек1уэжауэ зыгъэбыдэр —
ди ц1ыху щ1ык1эу адыгагъэрщ.
Адыгагъэрщ щыл1эм дежи
нэмыс хэлъу зыщ1а1ыгъыр,
псэр пкъым тыншу хэмык1ыжми,
ямылей ар зыщамыщ1у.
Адыгагъэр бэшэчыгъэщ,
1эдэбагъщ, 1эсагъэщ, л1ыгъэщ.
Адыгагъэр — ар къарущ,
адыгагъэр — ар ф1эл1ык1щ.
Ар ямыщэ — къамыщэхущ,
япэ нэсым къалъымысщ,
зылъысауэ ф1эмык1уэду
зыхъумэфым и насьшщ.
Читайте также: