Текст песни кышкы чия

Обновлено: 23.11.2024

Күбәләкләп яуган ап-ак карлар
Килеп куна битем очларына
Күзләремдә ай һәм йолдыз нуры,
Бөтерелә хисләр кочагында.

Әмма күрмим яуган карларны да,
Җитәкләшеп үткән парларны да
Син бит миңа бүген сөям, дидең,
Кыш көнендә пешкән чиям, дидең.

Күкрәгемә кысып җылытырмын,
Чиям, дидең, сине өшетмәм.
Мондый татлы, назлы сүзләрне бит
Мин тик тәүге тапкыр ишетәм.

Күбәләкләп яуган ап-ак карлар
Килеп куна битем очларына
Иреннәрдә баллы чия тәме,
Эрим кебек синең кочагыңда.

Читайте также: