Светофор утлары текст песни
Обновлено: 19.09.2024
Юл йөрү кагыйдәләрен өйрәнү буенча мәктәптә түбәндәге эшләр башкарылды:
-Юл йөрү кагыйдәләре темасына сыйныф сәгатьләре үткәрелде.
- Әйләнә тирә дөнья дәресләрендә юлларда иминлекнең торышы, юл йөрү кагыйдәләре өйрәнәбез.
- “Юлда йөрсәң бул өлгер, юл кагыйдәсен нык бел!” темасына рәсем конкурслары;
- “Игтибар, балалар!” акцияләре үткәрелде.
Хәзер сезнең ни дәрәҗәдә игътибарлы булуыгызны һәм светофор сигналларын ничек белүегезне тикшереп карыйбыз.
Уен. Яшел төс – йөриләр.
Сары төс – кулларын чәбәклиләр.
Кызыл төс – тын гына торалар.
А.б: Син кем?
Куян: Мин светофор фәннәрен өйрәтүче куян булам.
А.б: Куян ә син юл йөрү кагыйдәләрен беләсеңме?
Куян: Ә нәрсәгә аларны белергә? Мин алардан башка да яши алам!
А.б: Шулай дисең инде.Алайса әйдә, тикшереп карыйк әле.Менә әйт әле, юлны ничек аркылы чыгарга кирәк?
Куян: Ничек инде, дүрт аяклап.
А.б: Балалар, әйтегез әле, юлны ничек аркылы чыгалар?
Бала: Юлны аркылы чыгу урынын
Гел истә тот, җәяүле!
Җир өстеннэн, җир астыннан,
Урап үт син хәвефне.
А.б: Дөрес.Куян сиңа хәзер икенче сорау биреп карыйк: Син автобустан чыктың ди һәм сиңа юл аша чыгарга кирәк.Йә, әйт әле, син бу очракта нишләргә тиеш?
Куян: Автобусны әйләнеп узарга кирәк.Көпчәкләр арасыннан чыксан, бигрәк тә тиз була.
А.б: Дуслар, әйдәгез, куянга ярдәм итик әле, алайса, ул бөтенләй буталып бетте.
Балалар: Автобус киткәнне көтеп торабыз.Аннары ике якны да игътибар белән карагач, юл аша чыгарга мөмкин.Әгәр якында җәяүленең аркылы чыгу урыны булса, шуның аша чыгабыз.
А.б: Ә хәзер, куян дус,соңгы сорауга җавап биреп кара: Юлның транспорт йөри торган өлешендә уйнарга ярыймы?
Куян: Нинди уен уйныйсың инде.Мәсәлән, шахмат уйнарга ярамый.
А.б: Ни өчен?
Куян: Машиналар фигураларны бәреп егачаклар.Ә менә туп уйнарга ярый.Ничек кенә әле.
А.б: Дуслар, ә сез куян әйткәннәр белән килешәсезме?
Юлның транспорт йөри торган өлешендә уйнау катгый тыела.
Куян: Сезгә бик зур рәхмәт инде! Мине күп нәрсәләргә өйрәттегез. Юл йөрү кагыйдәләрен һичшиксез белергә кирәк икән. Мине дә үз отрядыгызга алыгыз әле.
Читайте также: