Сахам ата текст песни
Обновлено: 19.09.2024
Тоҥмот-хаммат сахам ата
Тоҥуу хаартан үктэл тэбэр,
Тымныы айан иитин көрсөн
Оноҕостуу субуруйар.
Табыгырас хомус туйах
Дууһам кутун ыга тутар,
Сахам сирин кыһыҥҥыта
Иэдэстэрбин иһэлитэр.
Кылбаҥнатан сиэлэр,
Айаннатан сүүрэр, атым —
һат! һат!
Сындыыстанан сырсар,
Сирилэтэн ситэр, сылгым —
Һат! һат!
Кэтит, дьоҕус сахам ата
Сүрэх-бэлэс мааны дэтэр,
Алаас ахсын кымньыылыырбар
Эбэн биэрэр, бырдааттанар.
Тыбыырара, айааһыыра
Силлиэ тыаллыын алтыһаллар,
Долгуһутар дьикти түгэн
Миэхэ эрэ хатыланар.
Дьоруолатан ойор,
Долгуһутан көтөр, атым —
һат! һат!
Дьигиһитэн дайар,
Бурҕаҥнатан куотар, сылгым —
Һат! һат!
Читайте также: