Текст песни миляуша имашева

Обновлено: 22.11.2024

Эх син улым, бәләкәчем минем,
Көтеп алган күңел кошым минем
Бәхет тәүфыйк бирсен аллакаем
Син бит минем таянычкаем.

Бәллүр бишекләрдә үсәрсең
Ир-егеткәй булып җитәрсең
Хезмәтләргә китәрсең, дөньяларны гизәрсең
Лачындай очып кына кайтып җитәрсең.

Эх син улым, улым улыкаем
Кояш нурым, айым йолдызкаем
Очар канаткайларың сынмасын
Гомеркәең тик шатлыкта узсын.

Эх син улым, улым син ул гына
Киләчәктә терәгем бул гына
Көч hәм гайрәп булсын юлдашларың
Ышанычлы булсын гел дусларың.

Бәллүр бишекләрдә үсәрсең
Ир-егеткәй булып җитәрсең
Хезмәтләргә китәрсең, дөньяларны гизәрсең
Лачындай очып кына кайтып җитәрсең.
Хезмәтләргә китәрсең, дөньяларны гизәрсең
Әни-әти диеп кенә кайтып җитәрсең.

Читайте также: