Слова песни витисько лыктэмдэ
Обновлено: 23.11.2024
1. Укноысь укное мон ӵемысь учкисько.
Лыктэмдэ витисько, гажанэ.
Муспотон тусбуйдэ син азям возисько.
Ӝегатскиськод исаса шат монэ!
2. Шур вылысь бус пырти синъёсы жадьытозь
Лыктэмдэ учкыса пукисько.
Сяськаос вылэ ӝыт лысву усьытозь
Весь тонэ возьмасько, возьмасько.
3. Укноме усьтыса мытисько кырӟанме.
Оло нош кылиськод куараме.
Лык ӝоггес! Тонэ мон огнам витисько.
Тон гинэ буйгатод сюлэмме.
4. Укноысь укное мон ӵемысь учкисько.
Лыктэмдэ витисько, гажанэ.
Муспотон тусбуйдэ син азям возисько.
Ӝегатскиськод исаса шат монэ!
Читайте также: