Оорлерим кайда силер текст песни
Обновлено: 23.11.2024
Эрткен чалыы үелерим,
Эмнеттинмес аарыг дег,
Өйлеп-өйлеп сагындырып,
Өзүм-баарым өрүмней бээр.
Моортай-күске болуп ойнап,
Могаг чокка сывыртажып,
Өөрүп хөглеп өзүп келген
Өөрлерим кайда силер?
Кудургайдан хап эрткеш,
Кушталдырып турганым дег,
Каш-ла чылдар караш кынды
Кайда силер өөрлерим?
Моортай-күске болуп ойнап,
Могаг чокка сывыртажып,
Өөрүп хөглеп өзүп келген
Өөрлерим кайда силер?
Коӊгулдурнуӊ даажынга
Хомудалдыг уян үннүг
Школачы чылдарымны
Утпа дээнзиг улажыптайн.
Моортай-күске болуп ойнап,
Могаг чокка сывыртажып,
Өөрүп хөглеп өзүп келген
Өөрлерим кайда силер?
Читайте также: