Гашыктарга бакыт тиледим текст песни
Обновлено: 19.09.2024
Кечеги эле эрке кызым, секелек,
Бой жеткенин байкабай да, калыпмын.
Мезгил келип үйдөн канат какканда,
Ичим тыз деп туз сепкендей ачышты.
[Кайырма]
Ак куу болуп түгөйүңду жандагын,
Ардактасын арзып алган ардагың.
Үйдүн куту аял болот билип жүр,
Бакыт кушун учурбастан кармагын.
Теңиң таап, турмуш жолго аттандың,
Кубансам да, жүрөк турду күйүгүп,
Көздөрүмдөн мончок-мончок жаш тамды,
Бакыт тилеп, ичтен турдум сүйүнүп.
Сен аттанган, ак жолтойлуу босого,
Ыраазы бол садагасы ошого.
Тагдыр буйруп, бешенеңден тап кызым,
Жарың менен жанып турсун жылдызың.
Читайте также: