Зирек алкалары текст песни

Обновлено: 21.11.2024

Язлар белән зирек алкаларын
Ләйсән яңгыр юа ал таңда.
Зирекләрнең җырын бүләк итәм,
Мәхәббәтем итеп сакларга.

Мәхәббәт ул — яну, яшьлек җыры,
Сихри өмет, ярсу пар атлар.
Мәхәббәттә бары язлар гына,
Мәхәббәт ул — очар канатлар.

Тәлгәш-тәлгәш зирек алкалары
Яфрак арасында җемелди.
Зирекләрнең шавын бүләк итәм,
Күңелләрне җырлар, моң били.

Зирек алкалары җыям сиңа,
Язлар яме итеп тагарсың.
Безгә сөю җыры бүләк иткән
Зирекләрне назлап карарсың.

Читайте также: