Ризавди исмаилов къонаха текст песни
Обновлено: 21.11.2024
1аламе б1аьрг тухуш со новкъа волу,
Лоьху ас бацалахь лар яйна тача,
Дог а деттало са карзах долий.
Безаман дитташ т1е сихвеш со кхачо.
Геннара суна го уьш мохо лестош,
Замано нилх дина тишделла генаш,
Мерзачу ойлано уьш доггах хьоьстуш,
Лехьош 1индаг1ехь левзина хенаш,
Уьш леца г1ерта со цхьа жимма ловза,
Ву моьтта со х1инца жималлин хьаша.
ас доьг1на, кхиийна безаман дитташ,
Лаьтта уьш тийналлехь дог 1овжош г1ийла,
Цаьрца хьоьгуш 1индаг1ий марзо схьайетташ,
Шун бонехь ойланца да лаьтти хийла.
Шийлачу гуьйрено шен мохехь хьийзош,
Кхоьхьу д1а дукха гена мажделла г1аш,
Уьш леца г1ерта со цхьа жимма ловза,
Ву моьтта со х1инца жималлин хьаша.
Д1а яхна бералла со вуьтуш генахь,
Ницкъ бацкха и шераш юхнехьа литта,
Го суна вижанчохь мерзачу г1енахь,
Дас доьг1на, кхиийна безаман дитташ.
Читайте также: