Къумукъ халкъым песня текст
Обновлено: 22.12.2024
Нравится Показать список оценивших
Инсанны умуту оьлмесин, Гюл йимик яшнасын юрекде, Яз гелер деп умут этмесе, Яшама болмайдыр терек де. Яшавну, яз йимик, беземе, Умутдан къалалар тиземен, Аз болсун, кёп болсун, гьар гюнден Сююнчню гюллерин уьземен. Сююнчню гюллерин уьземен. Сююнчсюз жанлагъа бермеге, Мендеги умутлар тамандыр Гюл чачма бары да ерлеге.
Якъ-ягъымдан къуршап алса янгызлыкъ, Гёзалдымда къурч яшлыкъны тутаман. Къурч яшлыкъда къурдашым бар нечакъы, Магъа бугюн шат болмагъа шо таман. Тенглилерим мени насип ярата, Сав дюньяны тамашагъа къарата, Сав дюньягъа айтылагъан элим бар, Элде мени эркин оьсген ерим бар. Тувгъан ерим, оьсген ерим Таргъу тав, ёкъ магъа чы шондан арив дагъы тав. Кёп хайыры тийген магъа халкъым бар, Шо халкъымны йырламагъа гьакъым бар.
Нравится Показать список оценившихНравится Показать список оценивших
Гече орта. Толгъан ай, Не арив зат болгъан ай. Мен айгъа къарайгъанда Магъа къарап къалгъан ай Талайлы тавларыма Гюмюш шавла себе ай, Арыгъан загьматчыны Мангалайын оьбе ай. Ерге гьасиретликден Юлдузлар уча ерге, Кёкге гьасиретликден Инсанлар уча оьрге. Шавлалы-шат янгурлар Явагъан йимик кёкден, Шулай арив гечеге гьасирет эдим кёпден Кёпден гьасирет эдим Танг къатдырма Таргъуда, Юрекде пашманлыкъны Югъу да ёкъ, югъу да.
Не аламат тырпыллайсан, юрегим, Торгъа тюшюп, талашагъан жымчыкъдай. Гёремисен, нечик таза тангыбыз, Гёк отларда йыртыллайгъан акъ чыкъдай. Дюньядагъы бу гёзеллик бары да Тангдан тутуп яйгъан бизге къулачын, Бермес эдим, алтын хазна берсе де, Алтын тангны гёзеллигин, къуванчын Сабур тюбю сари алтын деп айтыв бар, Алтын тюгюл излейгеним яшавда, Алтынлардан артыкъ сёзлер излеймен, Адамлагъа савгъат этме мен савда.
Нравится Показать список оценивших
Мен яш болуп, яйнамадым яйларда, Ойнамадым жангъа азиз къырларда, Мен яшлыкъда къыдырмагъан къырларым Яшнар бугъай мен язагъан йырларда. Яшав оьзю язларымны шат этип, Яшагъанман кант этмесге ант этип, Эл алдында эршилерден болайым, Эшитсегиз бугюн мени кант этип.
Яшлыкъ менден учуп гетсе, къуш йимик, Къуванчларын къуру излей къаларман. Гече гёрген ингде арив тюш йимик, Яшлыгъымны даим эсге аларман. Денгиздеги акъ елкенге ел йимик, Яшав магъа къуват бере, гюч бере, Бир толкъуну авдармагъа къараса, Бир толкъуну гелип оьрге гетере. Билеклерим - мени эки къанатым, Мен учаман дёрт де якъны къаратып. Сав дюньяны эллеп чыгъа юрегим, Уьйден къыргъа чыкъмаса да абатым. Шолай гючню берген магъа яшлыгъым, Шо саялы бу яшавгъа гьашыгъым.
Нравится Показать список оценивших
Терсимни онг этип, Эршимни арив, Жанымдай гёреген Бар эди бирев. Эки къол бар эди Исси аялы, Ачыкъ юз бар эди, Энемжаялы. Сёзлери бар эди Жангъа ярайгъан, Гёзлери бар эди Йылы къарайгъан. Юреги бар эди Ярыкъдан толгъан, Ял тапмай гече-гюн Янымда къалгъан. Бал булан басгъандай, Ананы ашы, Анасыз яшап да Болакен яшы.
Ошашлы авазлар чалынып, Оьрчюте юрекде ярамны, Сагъынып, сагъынып гетемен Къонгурав авазын анамны. Сагъынып, сагъынып гетемен Гёк гёзлю, акъ юзлю къатынны, Анамдай аявлап-асырап Гьеч бирев тутмагъан атымны. Ахшамлар авлакъгъа тынгласам, Анамны авазы чалына, Юрегим бир яман авуртуп, Тынышым бир авур алына. Ахшамлар, гечелер, гюндюзлер Анамны авазы эшитиле, Анамны авазы гьали де Авлетин излейдир, ким биле. Жанымдай гёреген къызъяшгъа Мен бугюн оьзюм де анаман, Ана борч тюшген де башыма Анамны геч англап, янаман.
Инг арив кюлкюмню кюледим Анамны савунда, бир чакъда. Инг аччы йылавум йыладым Анама яс этип ожакъда.
Нравится Показать список оценивших
Ошашлы авазлар чалынып, Оьрчюте юрекде ярамны, Сагъынып, сагъынып гетемен Къонгурав авазын анамны. Сагъынып, сагъынып гетемен Гёк гёзлю, акъ юзлю къатынны, Анамдай аявлап-асырап Гьеч бирев тутмагъан атымны. Ахшамлар авлакъгъа тынгласам, Анамны авазы чалына, Юрегим бир яман авуртуп, Тынышым бир авур алына. Ахшамлар, гечелер, гюндюзлер Анамны авазы эшитиле, Анамны авазы гьали де Авлетин излейдир, ким биле. Жанымдай гёреген къызъяшгъа Мен бугюн оьзюм де анаман, Ана борч тюшген де башыма Анамны геч англап, янаман.
Инг арив кюлкюмню кюледим Анамны савунда, бир чакъда. Инг аччы йылавум йыладым Анама яс этип ожакъда.
Нравится Показать список оценившихНравится Показать список оценивших
Ялкъын-ялкъын чачынгны Яврунунга чачып къой, Явлукъ байлап яшырмай. Акъ бойнунгну ачып къой. Къашларынг къанат-къанат, Къашларынгны герип къой. Хадирингни билгенге Юрегингни берип къой. Исбайылыкъ - чачдан дей, Арив болмакъ - къашдан дей, Къуймур болмакъ - гёзден дей, Кёп сюйдюрмек - сёзден дей. Шолар бары сенде бар, Аривлюкге - пачасан, Гюндей чыгъып, дюньяны Аривлюгюн ачасан.
Нравится Показать список оценивших
Сен гелеген орамлагъа от битген
Нравится Показать список оценивших
Арт вакътиде, не буса да, башгъасан, Башгъалардан къуванагъан къашгъасан. Гьали мени сен къойсанг да ягъада, Аллагь сагъа насип берсин дагъы да. Зарлансам да, сенден насип тилемен, Тарыкъ болсам, гележегинг билемен. Яшавунгда къыйын болгъан заманда, Менмен сагъа табулажакъ гьаман да.
Нравится Показать список оценивших
Сюювню оьгейи ёкъ
Нравится Показать список оценившихНравится Показать список оценивших
Охувчум, йырларыма Эрнинг-бурнунг чюерсен Айтар затынг не болсун Деп айтмагъа сюерсен. Йырым, аявлу йырым, Къарывсузсан оьзюмдей, Тилеймен, пашман болма Мени эки гёзюмдей. Юрегимни ачаман, Ачаман яшавумну, Инсанлар гезесин деп, Ичинде йыр бавумну. Чечегин къырав тёгюп, Аз буса да емиши. Тек гетмес бугъай сёгюп, Бавума гирген гиши.
Читайте также: